Нашиот познат хип-хоп артист Таско вчера го промовираше видеоспотот за својот најнов сингл „Рани од злато“, кој воедно е и насловната песна од неговиот истоимен претстоен албум.
„Рани од злато“ ја носи препознатливата емоција и директност на Таско – и музички и лирски.
Музика: Таско
Текст: Таско
Аранжман / Бит: The Thrillz
Микс / Мастеринг: Таско
Како прва песна од албумот, нумерата го поставува тонот на целокупниот проект и најавува интимна, длабока и современа хип-хоп атмосфера.
Спотот е изработен под етикетата Urban Records, а зад целокупната визуелна изведба стои тим предводен од:
Режија: Никола Наумовски
Извршни продуценти: Таско и Никола Наумовски
Директор на фотографија: Никола Наумовски
Монтажа: Никола Наумовски
Колор корекција: Никола Наумовски
Минималистичката, но естетски силна визуелна поставеност го нагласува интензитетот на песната, додека режијата и фотографијата создаваат атмосфера што совршено го следи личниот стил и енергетскиот печат на Таско.
Новиот албум „Рани од злато“ се најавува како моќен авторски проект на Таско, во кој доминираат лични приказни, емотивни наративи и современа хип-хоп продукција. Со објавувањето на овој сингл, фановите добија јасна навестување за насоката во која се движи уметникот – искрен, зрел и моќен звук.