Собраниската комисија за финансирање и буџет денеска ја продолжи амандманската расправа по Предлог-буџетот за 2026 година.
На четвртиот ден беа разгледани главно амандмани поднесени од пратениците на Европскиот фронт, а се однесуваа на изградба на водоводни и канализациски мрежи и реконструкции на локални и регионални патишта.
Не беше прифатен ниту еден амандман на што реагираше пратеничката Арбана Пашоли.
-Kако пратеници ние сме гласот на народот и тука сме за потребите на граѓаните. Не може да поминуваат само амандманите на мнозинството, а да нема простор за амандманите на опизицијата. Досегашните амандмани се од есенцијална потреба за граѓаните, не се луксуз, рече Пашоли.
Расправата продолжува по паузата дадена до 16:10 часот.
Предлог-буџетот за 2026 година, според најавите, треба да се најде на пленарна седница на 9 декември. (МИА)