Американската музичка ѕвезда Џенифер Лопез блесна во прекрасен фустан на 16-тото доделување на „Governors Awards“ што се одржаа во Лос Анџелес и го привлече вниманието на присутните.
Таа носеше креација од австралиската дизајнерка Тамара Ралф која дополнително го истакна нејзиното затегнато тело и деколте со црн детаљ во форма на песочен часовник. Додаден е долг карнер на колковите.
Џенифер Лопез се одлучи за подигната фризура и шминка во природни нијанси, а изгледот го комплетираше со долги ракавици, накит и чанта.
Наградите „Governors“ ги доделува Одборот на директори на Академијата за филмски уметности и науки (AMPAS) за извонреден придонес во филмската индустрија. Меѓу добитниците на наградите оваа година се Том Круз, Деби Ален и Вин Томас.
Покрај Џенифер Лопез, на оваа церемонија присуствуваа и бројни други познати личности, меѓу кои Аријана Гранде, Луси Лиу, Џереми Стронг, Леонардо Дикаприо, Мајкл Б. Џордан, Миа Гот и Оскар Исак.
Последниот филм на Џенифер Лопез беше „Kiss of the Spider Woman“, кој се појави во кината низ целиот свет во октомври. Обожавателите се воодушевени од нејзините актерски способности, а некои дури и ѝ предвидуваат Оскар.
View this post on Instagram