Основното јавно обвинителство Скопје отвори истрага против полициски службеник од Полициската станица Аеродром, осомничен дека заедно со тројца соизвршители учествувал во голема кражба на бакарни кабли во кругот на фабриката „Железара“ во Скопје.
– Обезбедените докази укажуваат дека осомничениот, иако полициски службеник, бил директно вклучен во извршувањето на делото заедно со тројца соизвршители против кои веќе се води постапка – велат од ОЈО Скопје.
– Осомничените користеле апарати за проверка на напон и со батериска брусалка ги сечеле каблите. Поради нивното дејствување, настанал и пожар кој го нарушил електричното снабдување во делови од градот – велат од Обвинителството.
– Со оваа постапка испраќаме јасна порака дека никој не е над законот, па ни оние кои треба да го спроведуваат – нагласија од Одделот за внатрешна контрола.
Против сите осомничени обвинителството веќе поднесе предлог за мерка притвор поради опасност од бегство, влијание врз сведоци и можност за повторување на делото.