Хана Хуљиќ Грашо проговори за венчавката и бракот со Петар Грашо, а откри и каков е тој како татко.
Хана и Петар Грашо се еден од најмистериозните парови на хрватската сцена, а интересот на јавноста за нивниот приватен живот не стивнува откако се дозна дека се во врска.
Сега Хана конечно проговори за нивниот брак, венчавката и Грашо како татко, а за почеток се присети на медиумскиот притисок со кој морале да се справат на почетокот на нивната врска.
-Откако нашата врска стана јавна, бевме тешки на себе, веќе не навлегував во натписите. Претпоставувам дека луѓето мислеа дека ние сме тие кои постојано се наметнуваат, а ние само чекавме се да се смири, изјави Хана за Глорија.
Хана и Грашо наскоро ќе ја прослават втората годишнина од бракот. Двојката се венчаше на 19 февруари 2022 година во црквата Свети Доминик во Сплит, а нивните свадбени планови морале да се променат во последен момент.
-Првично планиравме да пешачиме до црквата, но на крајот тоа беше невозможно. Дури и црквата ја сменивме затоа што се дозна каде ќе се одржи венчавката, рекла Хана, на која се уште не и е јасно како датумот на нивната венчавка се појавил во медиумите, бидејќи, како што тврди, знаеле само нивните најблиски пријатели.
Таа не може да сфати ниту како фотографиите од венчавката се појавија во медиумите пред тие да ја објават официјалната фотосесија.
-Морам да признаам дека на крајот сето тоа ми беше малку смешно. Јас и Петар бевме неверојатно опуштени и смирени тој ден, додаде таа.
Хана вели и дека таа и нејзиниот сопруг се трудат да поминуваат што повеќе време заедно како семејство, поради што нивната ќерка Алба веќе многу патувала, а открива и каков е Грашо како татко.
„Сè му оставам, тој е посмирен, сталожен и поопуштен од мене, се му оди добро. Само кај него, Алба веднаш заспива на гради. Тој е маж и татко каков што сакате за сите, изјави Хана.
Неодамна се шпекулираше дека парот очекува уште едно дете, но и двајцата ја демантираа веста, а сега Хана призна дека би сакала Алба еден ден да добие брат или сестра.