РК Вардар мораше одново да се активира на трансфер-пазарот и доведе нов ракометар во своите редови.
Како што најавивме пред неколку дена, нов член на „црвено-црните“ е Жуниор Тузолана кој игра на позицијата лево крило.
Тој доаѓа како замена за Махамаду Кеита кој во следните месеци ќе биде надвор од теренот поради операција на рамото.
Ангажманот на Тузолана е до крајот на полусезоната, со можност соработката да продолжи до крајот на оваа натпреварувачка сезона.
Тој доаѓа од екипата на Сесон во Франција, каде играл последните четири сеозни.
Претходно настапувал за Понто-Комбо, Истр и неколку сезони за Нант. Лани настапи на 24 натпревари во француската лига и постигна 49 гола