Иако до почетокот на Светското првенство 2026 година има уште девет месеци, меѓу фудбалските фанови низ целиот свет постои голем интерес за билети, што се гледа од бројот на апликации поднесени за првата фаза од продажбата.
Во првите 24 часа, пристигнале 1,5 милиони апликации од целиот свет, објави денеска ФИФА.
Over 1.5 million fans, from 210 countries, have already signed up for the FIFA World Cup 26™ Visa Presale Draw 🏆🙌
— FIFA (@FIFAcom) September 11, 2025
Најмногу апликации за билети се пристигнати од САД, Мексико и Канада, кои се домаќини на светскиот настан, по што следат навивачи од Аргентина, Колумбија, Бразил, Англија, Шпанија, Португалија и Германија.
Кој ќе добие шанса да купи билет ќе се одлучи со жрепка, а апликациите за првата фаза од продажбата на билети можат да се прифаќаат до 19 септември.
Here is everything you need to know about the @Visa Presale Draw 🇨🇦🇲🇽🇺🇸
— FIFA World Cup (@FIFAWorldCup) September 10, 2025
Сите апликации имаат подеднакви шанси да бидат извлечени во жрепката, без оглед на тоа кога се поднесени. Навивачите ќе дознаат дали имале среќа во жрепката на 29 септември и ќе имаат рок до 1 октомври да купат билети.
Натпреварите од Светското првенство во 2026 година ќе се играат во 11 американски градови, два канадски (Торонто, Ванкувер) и три мексикански (Мексико Сити, Гвадалахара, Монтереј).
Бројот на учесници на Светското првенство е исто така зголемен, од 32 на 48 национални репрезентации.
Incredible support during the latest @FIFAWorldCup Qualifiers window 📸 pic.twitter.com/6uWMmecKaz
— FIFA (@FIFAcom) September 10, 2025