Над 75 отсто од децата на школска возраст не посетуваат училиште во Судан, соопшти денеска организацијата Спасете ги децата (Save the Children).
Ново истражување на оваа невладина организација проценува дека 13 милиони деца не одат на училиште, од вкупно 17 милиони деца на школска возраст во земјата, каде што се бележи една од најлошите образовни кризи во светот.
Околу седум милиони ученици запишани во училишта немаат пристап до образование поради конфликти или раселување, а шест милиони воопшто не се запишани во училиште.
Од април 2023 година, во суданските конфликти загинале десетици илјади луѓе, милиони се раселени и уништена е инфраструктурата на земјата, вклучувајќи училишта и болници. (МИА)