Maкедонската тенисерка Лина Ѓорческа ги продолжува настапите на ИТФ турнирот во W50 Слобозија во Романија.
Во третото коло тетовчанката направи неверојатен пресврт против Луција Ќириќ Багариќ од Хрватска и од негатива од 1-0 во сетови славеше со 1-2 и со тоа се пласира во полуфиналето од овој турнир.
Нашата тенисерка натпреварот го отвори со многу грешки, и противничката сигурно го искористи тоа и со 6-1 во гемови поведе со 1-0. Но, потоа следуваше целосна доминација на Македонската. Ѓорческа како да се мотивира дополнително од својот слаб перформанс во првиот сет и почна да ја „меле“ противничката.
Во вториот сет Ѓорческа ѝ препушти само еден гем на Багариќ, додека одлучувачкиот го освои на перфектен начин – без загубен гем (6-0).
Во битката за финале нашата тенисерка ќе се сретне со домаќинката Попа, која што е трет носител на турнирот.