Синоќа во паркот „Македонија“ кај Домот на култура „Билјана Беличанец“ започна киното на отворено кое Општина Кисела Вода го организира во соработка со „Киноверзум“, „Кинотека на Македонија“ и Францускиот институт. Настанот привлече голем број граѓани.
На првата вечер беше прикажан детскиот филм „Бунтовната принцеза“, синхронизиран на македонски јазик, а потоа и „Марија“, посветен на оперската уметница Марија Калас.
Програмата продолжува вечерва со франкофонска содржина. Во 20:00 часот ќе биде прикажан анимираниот филм „Каламити“, а во 21:30 часот играниот филм „Повторно родена“.
Киното на отворено ќе трае до 24 август, со проекции на филмови за различни возрасти и вкусови.
Програмата за останатите денови се наоѓа во продолжение:
23.08.2025( сабота)
Македонска вечер
20.00- Блок краткометражни играни филмови за големи и мали деца
,,Ракетно моделарство”
,Баскет”
20.45-Македонски филм,,ДО БАЛЧАК”
24.08.2025( недела)
20.00- Анимиран филм за јунаците од светот на Биби,,Златната пеперутка”
21.30- Македонски документарен филм,,Медена земја”
Ве очекуваме!