Шефот на иранската дипломатија, Абас Аракчи, денеска ќе има заеднички телефонски разговор со своите француски, британски и германски колеги за нуклеарните преговори и санкциите, објави иранската државна агенција ИРНА.
Британските медиуми потсетуваат дека трите европски сили се заканија дека ќе ги активираат санкциите на Обединетите нации против Иран во рамките на механизмот за „откажување“ доколку Иран не се врати на преговарачката маса за својата нуклеарна програма.
Европските земји, заедно со САД, тврдат дека Иран ја користи својата нуклеарна програма за потенцијално развивање нуклеарно оружје, што Иран го негира.
Техеран ги прекина преговорите со САД за неговата нуклеарна програма откако САД и Израел ги нападнаа нуклеарните постројки на Иран во јуни.
Оттогаш, инспекторите од Меѓународната агенција за атомска енергија (МААЕ) не беа во можност да пристапат до нуклеарните постројки на Иран.