Во Собранието денеска ќе заседаваат Комисијата за транспорт, дигитална трансформација, животна средина и просторно планирање и Законодавно правната комисија.
На дневен ред на двете собраниски комисии е Предлог – законот за изменување и дополнување на Законот за работното време на мобилните работници во патниот сообраќај и уредите за запишување во патниот сообраќај, во второ читање.
Како што стои во образложението објавено на собраниската веб-страна, целта на Предлог на закон е да се изврши дорегулирање и допрецизирање на одделни одредби од постојниот закон кои не се имплементирани и хармонизирани со ЕУ легислативата, а што ќе допринесе за примена на истите.
– Производителот на картички THALES којшто ги произведува картичките за РСМ за да отпочне со производство на паметни картички за нас, ги бара објавени во Службен весник и доставени до нив овие измени. Во спротивно THALES нема основа за производство на паметни картички за РСМ. Со Предлогот на закон на изменување и дополнување на Законот за работното време на мобилните работници во патниот сообраќај и уредите за запишување во патниот сообраќај се врши негово прецизирање, дополнување и дополнително усогласеување со новите Европски Регулативи со цел да се имплеменираат паметните тахографи во РСМ, се наведува во образложението.
Во образложението на законското решение се посочува дека исто така се врши допрецизирање на прекршоците односно усогласување на износите со Законот за инспекциски надзор и Законот за прекршоците.