Пожар во јужна Франција, кој беше поттикнат од ветрови со брзина до 70 километри на час денеска, доведе до затворање на аеродромот Марсеј-Прованса во времето кога започнува сезоната на летни одмори, објавува France24.
Локалната противпожарна служба објави дека 168 пожарникари работат на гаснење на пожарот што зафаќа околу 30 хектари во близина на Ле Пен-Мирабо, северно од Марсеј. Користени се противпожарни возила и хеликоптери.
⚠️🚒: La situation est critique près de #Marseille, où un #incendie de grande ampleur est en cours.🔥
⚠️🔥•Un violent #incendie s’est déclaré en fin de matinée et progresse rapidement, attisé par un #mistral particulièrement fort.
🚫 Les secteurs des hauteurs de La #Castellane… pic.twitter.com/Gfjv4ldfb8
— vigiprevention_meteo (@VigipreventionM) July 8, 2025
-Во овој момент, населението мора да остане во своите домови. Затворете ги прозорците и вратите, ослободете го просторот за службите за итни случаи и не патувајте по патиштата, се наведува во предупредувањето до граѓаните.
Локалната телевизија објави дека силните ветрови довеле до евакуација во Ле Пен-Мирабо.
🚨🔥🇫🇷 𝗔𝗟𝗘𝗥𝗧𝗘 𝗜𝗡𝗙𝗢 — Le préfet annonce que LE FEU A ATTEINT MARSEILLE et appelle tous les habitants à se CONFINER IMMÉDIATEMENT dans un bâtiment en dur, en fermant volets et portes. pic.twitter.com/tsUaHYgJau
— Bastion (@BastionMediaFR) July 8, 2025
Портпаролот на аеродромот изјави дека авионите не полетувале ниту слетувале од околу пладне, а некои летови биле пренасочени кон аеродромите во Ница, Ним и други регионални аеродроми.
Не е познато кога аеродромот повторно ќе се отвори, а жителите на Марсеј рекоа дека центарот на градот е покриен со чад.