Словенечката кошаркарска репрезентација го објави поширокиот список од 19 играчи за претстојниот Евробаскет, а како што и се очекуваше, лидерот на тимот ќе биде ѕвездата на Лос Анџелес Лејкерс, Лука Дончиќ.
Селекторот Александар Секулиќ реши најпрво да го соопшти проширениот ростер, во кој се наоѓаат проверени имиња, како и неколку млади таленти.
Новитет има и во стручниот штаб, а тоа е Грега Сент Жена кој е актуелен помошник на ЏејЏеј Редик во ЛА Лејкерс. Тој ѝ се приклучи на селекцијата како асистент.
Словенија ќе се натпреварува во групата Д, каде што ќе ги одмери силите со Франција, Полска, Израел, Белгија и Исланд.