Соопштение на ВЛЕН
„По децении празни ветувања, одложувања и манипулации, вчера беше историски ден за еднаквоста и правдата во Македонија. Владата го усвои Законот за правична и соодветна застапеност, фундаментален акт што гарантира уставното спроведување на принципот на правична застапеност во државните институции.
Овој закон претставува конкретен и обврзувачки чекор кој за прв пат воспоставува јасна и извршителна нормативна основа за уставниот принцип на соодветна застапеност. Преку овој закон се создава извршниот механизам кој ќе го надгледува и обезбедува ефикасното и одговорно спроведување на принципот на застапеност.
За само една година владеење, го постигнавме она што не беше реализирано 24 години по Охридскиот рамковен договор. Создадовме силна основа за унапредување на застапеноста во вистинскиот пат, пат кон еднаквост, достоинство и правда за сите заедници. Оние кои се против овој закон се истите оние кои со текот на годините ја деградираа застапеноста и ги оставија граѓаните жртва на манипулации и неправда. Ова не е само политичко прашање, туку одговорност кон иднината на државата и нејзините граѓани. Убедени сме дека граѓаните ќе ја ценат оваа промена и ќе застанат зад законот што носи еднаквост и достоинство за сите.
ВЛЕН не ветува, ВЛЕН спроведува. Ние не работиме за пропаганда, туку за длабоки и опипливи реформи што ги менуваат животите на граѓаните. Овој закон е битка што вредеше, голема победа за сите оние кои бараат правична застапеност, еднаквост и за држава каде што законот е над секој друг интерес.“