Припадниците на Првата пешадиска бригада денеска во касарната „Страшо Пинџур“ – Петровец ќе го одбележат Денот на Единицата.
Како што информираат од Генералштабот на Армијата, на одбележувањето ќе присуствуваат министерот за одбрана Владо Мисајловски, началникот на Генералштабот на Армијата, генерал-мајор Сашко Лафчиски, генерали во Армијата, претставници од Министерството за одбрана и ГШ на Армијата….
За Ден на Првата пешадиска бригада е определен 2 април, како датум на кој оваа Единица е трансформирана и ги презела задачите и одговорностите на двете поранешни бригади, со што стана најголемата борбена единица во Армијата.