Од Владата велат дека инвестициски бум се случува во Македонија изминатите шест месеци.
-Шест месеци нова Влада предводена од ВМРО-ДПМНЕ значи шест нови странски инвестиции и над 2000 нови вработувања. Првата инвестиција на „Алказар Енерџи“ за изградба на ветерници во општините Радовиш, Штип и Карбинци, е во вредност од 500 милиони долари и значи 630 нови вработувања, а со инсталирање на 55 ветерници со електрична енергија ќе се снабдат 100.000 граѓани. Втората инвестиција на германско-белгиска „Епсотех Аим“ е за изградба на развојно истражувачки центар, алерти центар во индустриско-технолошките зони на територијата на Општина Петровец. Нејзината вредност е од 20 милиони евра и нови 110 вработувања, велат од Владата.
Посочуваат дека третата странска инвестиција е за производство на сопирачки за шински возила на американскиот „Вебтек“ во вредност од 35 милиони евра. Со оваа инвестиција ќе се отворат нови над 100 вработувања, во Технолошко индустриско развојната зона Скопје.
Четврта инвестиција која ја донесе Владата во рок од шест месеци е за производство на литиум јонски батерии во Технолошко индустриско развојната зона Скопје. Инвестицијата на германската компанија „BMZ Group“ е во вредност од 65 милиони евра и отвора дури нови 700 вработувања.
Петтата инвестиција на компанија „Брејнчајд“ во зоната Жабени е во вредност од 8,5 милиони евра, а ќе вработи околу 100 лица.
И шестата инвестиција е на „АД БАУ Интернационал“ која е дел од групација ДМ Бау – швајцарски производител на модуларни објекти е во вредност од 7 милиони евра и отвара 200 нови вработувања.
-И покрај лошата економска состојба која ја наследивме, како Владата работиме посветено и спроведуваме економски политики со кои привлекуваме нови странски инвестиции. Како Влада воспоставуваме партнерски и деловен однос со странските и домашни инвеститори, отвораме нови работни места и придонесуваме за подобрување на бизнис климата и животниот стандард на граѓаните. Владата работи посветено на забрзување на економскиот развој, се наведува во соопштението.