Тотенхем го декласира Манчестер Сити во Премиер лигата, славејќи со огромни 0-4 на „Итихад“.
По средбата, реакцијата на Анге Постекоглу беше одлична. Австралискиот тренер зборуваше колку е горд на своите играчи, а се осврна и на Џејмс Медисон.
„Многу значајна победа ако се земе в предвид против кого игравме. Горд сум на моите момци, на фудбалот кој го одигравме, на упорноста и дисциплината која ја покажаа. Кога играте против Сити, тие ве тестираат во секој аспект од вашата игра и ние одлично се носвме со нив. Многу важна победа за нас. Реакцијата по поразот од Ипсвич беше одлична. Не мислев дека толку бргу ќе дојде вака добра реакција.
Медисон беше неверојатен, баш каков што морате да бидете против Сити. Претпоставив дека вакви натпревари му одговараат. Потребен ни е на вакво ниво“, изјави Постекоглу.