Ирскиот легендарен фудбалер Рој Кин смета дека Рубен Аморим ќе има многу работи за решавање кога ќе пристигне за неколку дена, но сепак реши да му идентификува два како најголеми и за кои ќе треба да почне да работи уште на првиот тренинг.
– Работната етика и лошата реализација се два огромни проблеми за менаџерот кој доаѓа. Има неколку играчи во оваа соблекувална на Јунајтед кои играат на важни позиции, но кои не се научени да трчаат. Кога има играчи кои не трчаат, тогаш се јавува огромен проблем. Има играчи кои не трчаат доволно, кои не се доволно брзи, а има и такви кои не сакаат да трчаат. Има многу талентирани играчи, но ако не трчате, нема да стигнете никаде. Новиот менаџер ќе мора да работи на овој фудбалски менталитет. Друг огромен проблем е недостатокот на голови во Манчестер Јунајтед. Секојпат кога ја гледам статистиката по 10 одиграни натпревари, гледам дека Јунајтед има гол разлика „минус три“. Тоа е навистина тешко за прифаќање во клуб кој има големи стандарди, – вели Кин.