Израелската војска денеска соопшти дека ги актуелизирала одбранбените инструкции на командата на силите за цивилна одбрана, со што го подигнала нивото на подготвеност во Долна Галилеја и јужниот дел на Голан од „делумно“ на „целосно“.
Истовремено, армијата наведува дека во некои општини е дозволен собир до 2.000 луѓе.
Како што наведуваат странските агенции, промените ја одразуваат загриженоста на Израел за безбедноста на своите граѓани во време кога се водат борби меѓу израелските сили и либанската група Хезболах.