Истрагата за случајот Крмзов пред крај, а резултатите се повеќе од шокантни, информираше на денешниот брифинг со новинарите премирот Христијан Мицкоски.
Тој посочи дека Крмзов ширел невистини по интервјуа, што ќе се документира и докаже. Излегуваат нови и нови случаи, а случајот допира и до високо позиционирани политичари од минатата власт.
Неофицијално, дознава Курир, бројките на криминалот се движат до околу 15 милиони евра.
Крмзов тврдеше дека проблемите започнале во декември 2023 година, кога Управата за јавни приходи (УЈП) отвори контроли во неговите компании. Тој обвини дека контролите биле постојано одложувани, што државата го користела како изговор да не ги исплати средствата што ги должела на неговите фирми.
Јавноста знае многу добро за кои моќници од СДСМ станува збор, нешто што е јавна тајна во Македонија. Се очекуваат детали од истрагата.