Илон Маск за време на разговор во живо на социјалната мрежа „Икс“ (поранешен Твитер) со премиерот Бенјамин Нетанјаху рече дека „нема избор“ освен да се уништи терористичката група Хамас со цел да се донесе подобра иднина за Газа, и се согласува со Нетанјаху дека терористичката организација има геноцидни намери кон еврејскиот народ.
Американскиот милијардер Маск, сопственик на „Икс“ и шеф на SpaceX, сепак вели дека би сакал да помогне во обновата на Газа по актуелната војна.
Маск, исто така, забележува дека цивилните жртви се „неизбежни“ и дека Израел се обидува да ги избегне во својата војна против Хамас.
„Треба да се спротивставите на цврстината и да ги извадите терористите и тие што имаат намера да убијат, а во исто време да им помогнете на тие што останале“, додаде Маск. (МИА)