Републиканскиот претседателски кандидат Доналд Трамп одби да учествува во интервју „60 минути“ на CBS News, па во шоуто ќе учествува само кандидатката на Демократската партија Камала Харис.
Си-Би-Ес ги покани претседателските кандидати на одделни интервјуа кои ќе бидат емитувани пред изборите во ноември.
Тимот на „60 минути“ соопшти дека кампањата на Трамп првично се согласила на интервју.
Харис и Трамп учествуваа на дебата на 10 септември. Иако Харис ја прифати поканата на Си-Ен-Ен за втора дебата подоцна овој месец, Трамп не го стори тоа.
Си-Би-Ес беше домаќин на потпретседателската дебата меѓу републиканскиот сенатор од Охајо, Џеј-Ди Венс и демократскиот гувернер на Минесота, Тим Волц.(МИА)