Израелските одбранбени сили (ИД) во неделата објавија дека го нападнале командниот центар на палестинската милитантна организација Хамас, сместен во зграда во центарот на Газа, која претходно служела како училиште.
– Центарот за команда и контрола, кој беше изграден во внатрешноста на комплексот кој претходно служеше како училиште „Калед ибн ал-Валид“, терористите на Хамас го користеа за планирање и извршување терористички напади против војниците на ИД и државата Израел – израелската соопшти армијата за нападот на училиштето.
Во соопштението што го објавија на Телеграм, тие не дадоа информации за жртвите. Војската соопшти дека „преземени се бројни чекори за да се намали ризикот од цивилни жртви“.
– Ова е натамошен пример за систематска злоупотреба на цивилната инфраструктура од страна на терористичката организација Хамас со кршење на меѓународното право – посочија тие.
Повеќе од 41.000 луѓе се убиени во Појасот Газа од почетокот на војната предизвикана од нападите на 7 октомври, според локалните здравствени власти во Газа. Тој ден, милитантите предводени од Хамас почнаа да дивеат низ заедниците во јужен Израел, убивајќи 1.200 луѓе, а околу 250 протераа назад во Газа.