Украинскиот претседател Володимир Зеленски пристигна во Лондон, каде што ќе се сретне со британскиот премиер Кир Стармер и генералниот секретар на НАТО, Марк Руте, објавија светските агенции.
Зеленски ќе биде примен и од британскиот крал Чарлс III, изјави портпаролот на украинското претседателство.
Украинскиот претседател ќе се обрати и пред членовите на британскиот парламент, изјави портпаролот на украинското претседателство Серхиј Никифоров.
Зеленски го посети Париз минатата недела, а треба да го посети и Мадрид.
Кабинетот на Стармер изјави пред посетата на украинскиот лидер на Велика Британија дека двете земји имаат намера да потпишат партнерство за одбрана кое конкретно ќе се справи со заканите што ги претставуваат евтините беспилотни летала. Зеленски сака да го истакне искуството на неговата земја во пресретнувањето беспилотни летала, кои се од ирански дизајн и ги користи Русија за извршување дневни напади врз Украина. Иран сега користи беспилотни летала за да ги напаѓа земјите од Заливот.
Војната на Блискиот Исток ги запре дипломатските напори што ги водеа во последните месеци САД за прекин на конфликтот во Украина.