Вулканската активност на Исланд е намалена, соопшти денеска тамошната метеоролошка служба, но и предупреди дека наскоро може да се очекуваат нови ерупции.
Ерупцијата на полуостровот Рејкјанес се случи по неколкунеделни интензивни земјотреси.
Околу 4.000 луѓе беа евакуирани минатиот месец од Гриндавик, рибарскиот град кој беше најзагрозен, јави Би-Би-Си.
Нема информации за повредени, но се стравува дека може да бидат оштетени многу куќи.
Исландската метеоролошка служба соопшти дека од три отвори излегуваат лава и вулкански гасови, а претходно имало пет активни.
Сепак, постои голема веројатност дека во иднина ќе се отворат повеќе дупки во должина на оригиналниот расцеп.
Чад може да се почувствува и на места оддалечени околу 30 километри од местото на ерупцијата.