Регионалниот директор на Светската здравствена организација за Европа, Ханс Клуге, денеска изјави дека мајмунските сипаници, без разлика дали се работи за нов или стар вид, не се нов коронавирус, бидејќи се знае како да се контролира нивното ширење.
„Значи, дали ќе сакаме да избереме да воспоставиме системи за контрола и елиминирање на мајмунските сипаници на глобално ниво, или ќе влеземе во друг циклус на паника и занемарување“, рече Клуге на прес-конференција.
Мајмунските сипаници се вирусна инфекција која предизвикува симптоми слични на грип, но може да биде и смртоносна.