Проиранското либанско шиитско движење Хезболах рано утринава соопшти дека истрелало десетици ракети врз Беит Хилел во северен Израел.
Групата во соопштението напиша дека „како одговор на нападите на израелскиот непријател врз непоколебливите јужни села и безбедните куќи, особено нападите насочени кон селата Кафр Кила и Деир Сарџан и повредените цивили, Исламскиот отпор (Хезболах) за првпат го погоди Беит Хилел со десетици ракетни качуши“.
Според израелските медиуми, повеќето од ракетите беа пресретнати од израелскиот противракетен систем „Железна купола“.
Либански безбедносни извори соопштија дека од Либан врз северен Израел биле истрелани околу 50 ракети.
Од неодамна дојде до значително влошување на ситуацијата во односите меѓу Израел и Либан.
По целните убиства на воениот командант на Хезболах, Фуад Шукра, и на шефот на Хамас, Исмаил Ханија, претходно оваа недела, лидерот на Хезболах Хасан Насрала вети одмазда.
Од избувнувањето на војната во Газа, секојдневно има гранатирање меѓу Хезболах и израелската армија, што резултираше со смртни случаи на двете страни. (МИА)
🇱🇧🇮🇱⚡️Hezbollah said it fired dozens of rockets towards the village of Beit Hillel in northern Israel in response to shelling in southern Lebanon#lebanon
-ISZ pic.twitter.com/ljdG9nDL4J— ME Productions🏒📷 (@BlazinBlades_) August 4, 2024