Американски тим од дипломатски и безбедносни лица денеска отпатува во главниот град на Венецуела, Каракас, за да ја процени можноста Амбасадата на САД да продолжи да работи, изјави портпаролот на Стејт департментот.
Претходно, американскиот претседател Доналд Трамп изјави дека сè уште размислува за повторно отворање на Амбасадата на САД во Венецуела.
Трамп во 2019 година ја затвори Амбасадата на САД во Каракас откако го призна опозицискиот кандидат Хуан Гваидо за претседател, отфрлајќи го реизборот на Николас Мадуро во 2018 година како нелегитимен.
САД на 3 јануари спроведоа воена операција во Венецуела, при што ги заробија претседателот Мадуро и неговата сопруга Силија Флорес. Трамп најави дека неговата администрација ќе управува со Венецуела и нејзините нафтени ресурси за време на транзицискиот период.
Мадуро и неговата сопруга се обвинети за шверц со наркотици и оружје. Тие се изјаснија за невини по ниту една точка од обвинението.