Преговорите за прекин на огнот во Газа меѓу палестинскиот Хамас и посредниците во Каиро денеска пропаднаа.
Нема резултати, иако остануваат само уште неколку дена да се прекине борбата пред почетокот на светиот муслимански пост Рамазан, објавија британските медиуми, пренесе Бета.
Високиот функционер на Хамас, Басем Наим изјави дека екстремистичката организација го претставила својот предлог за договор за прекин на огнот на посредниците за време на дводневните разговори и дека чека одговор од Израелците, кои не дојдоа во Каиро.
-Премиерот Бенјамин Нетанјаху не сака да се постигне договор и сега топката е на теренот на Америка за да се изврши притисок врз него, рече Наим.
Израел одби јавно да ги коментира разговорите во Каиро.
Официјалните лица, сепак, рекоа дека Израел не ја испратил делегацијата затоа што бара Хамас да претстави список од 40 постари, болни и женски заложници кои прво треба да бидат ослободени според прекинот на огнот, кој првично ќе трае шест недели.
Во меѓувреме, Хамас бара да се дозволи голема хуманитарна помош да дојде во Газа и да им се дозволи на Палестинците раселени од своите домови на југот да се вратат. (МИА)