Американските здравствени власти вчера ја потврдија втората смрт на дете од сипаници од почетокот на годината.
– Детето на училишна возраст, кое беше позитивно на тестот за сипаници, беше хоспитализирано во Лабок и почина во четвртокот од она што лекарите на детето го опишаа како пулмонална инсуфициенција од сипаници, се вели во соопштението на здравствените власти во Тексас.
Детето не било вакцинирано и немало пријавени други состојби, шренесе ДПА.
Американскиот секретар за здравство Роберт Кенеди Џуниор, познат скептик за вакцини, рече дека бил во Тексас за да го утеши семејството на детето.
Бројот на случаи на мали сипаници се зголемува во јужниот дел на САД, откако Кенеди изрази сомнеж за вакцините и предлага витамин А и масло од црн дроб за борба против високо заразната болест.
Малите сипаници беа прогласени за искоренети во САД во 2000 година благодарение на високо ефективната програма за вакцинација.
Малите сипаници се една од најзаразните заразни болести и може да бидат опасни по живот во екстремни случаи.
Се пренесуваат главно преку капки и аеросоли кои се испуштаат кога луѓето кашлаат и киваат.
Вирусот предизвикува симптоми кај скоро сите незаштитени луѓе. Тие вклучуваат треска, кашлица и типичен осип на кожата што се шири низ целото тело.