Општина Ѓорче Петров во соработка со Кинотека Македонија за првпат ќе организира низа на филмски проекции низ повеќето населби на територијата на општината.
Филмскиот караван започнува овој викенд (6-ти и 7-ми јули) во населба Хром, поточно на полјанката.
Проекциите ќе се реализираат по следниот редослед:
6-ти јули (сабота) во 21ч.
Филм за деца до 15 годишна возраст
„Стела” – Филм на Стојан Вујишиќ
7-ми јули (недела) во 21ч.
Филм за повозрасната генерација
“Те дуа, жими мене” – Филм на Марјан Гавриловски
Градоначалникот на Општина Ѓорче Петров, Александар Стојкоски истакнува дека целта на овој проект е промоцијата на културата, како и промовирање на македонски филмови, сѐ со цел да ги зачуваме вредностите и културолошки да ја издигнеме нашата општина.
– Ваше е само да дојдете и да уживате во овој убав настан, кој веруваме дека ќе остане пракса и понатаму, вели Стојкоски.