Седмиот Дигитален Самит на Западен Балкан (WBDS), коорганизиран од Владата на Македонија и Регионалниот совет за соработка (СРС), заврши денес со усвојување на две значајни заеднички изјави и сет заклучоци кои ја поддржуваат дигиталната патека на Регионот за претстојниот период.
Во Заедничката изјава за дигитално поврзан Западен Балкан шест, министрите и официјалните претставници од Западен Балкан ја потврдија својата заложба за зајакнување на дигиталната поврзаност во регионот и со ЕУ. Врз основа на успехот на режимот Roam Like at Home (RLAH) во Западен Балкан и Декларацијата за роаминг ЕУ-ЗБ од 2023 година, тие ја потврдија својата заложба за усогласување со acquis-то за роаминг на ЕУ и идно воведување на RLAH помеѓу ЗБ6 и ЕУ, притоа повикувајќи ги потписниците на Декларацијата да разгледаат можности за дополнително намалување на цените на роамингот меѓу ЗБ6 и ЕУ.
Заедничката изјава за постигнување интероперабилни дигитални ID паричници и доверливи услуги за Западен Балкан шест претставува уште една пресвртница. Со согласност да се воведат регионално интероперабилни дигитални идентитетски паричници, да се хармонизираат доверливите услуги и да се зајакнат регулаторните и техничките капацитети, земјите од Западен Балкан шест се обврзаа да обезбедат сигурен и беспрекорен дигитален пристап за граѓаните и бизнисите, во согласност со стандардите на ЕУ eIDAS 2.0.
Заклучоците од Самитот дополнително ја нагласија амбицијата на Регионот:
- да се усогласи со Актот за дигитални услуги на ЕУ, Актот за дигитални пазари и Актот за вештачка интелигенција;
- да ги намали регулаторните оптоварувања и да го забрза развојот на широкопојасна мрежа;
- да ја зајакне сајбер-безбедноста преку поблиска соработка со ENISA и развој на регионална база на податоци за потребите за сајбер-безбедност;
- да го искористи новиот DESI dashboard за Западен Балкан за следење на дигиталниот напредок на регионот; и
- да ја поддржи иновацијата и младинското ангажирање преку регионални иницијативи како Balkathon на РСС.
Дигиталниот Самит на Западен Балкан 2025 ги обедини владините лидери, партнерите од ЕУ и меѓународната заедница, бизнисите, иноваторите и граѓанското општество од целиот регион и пошироко. Во текот на два дена, тие дискутираа за дигитални услуги, интероперабилност, сајбер-безбедност, вештачка интелигенција и вештини – сите клучни приоритети во рамките на Планот за акција за заеднички регионален пазар 2025-2028 и Планот за раст на ЕУ за Западен Балкан.