Вчера СДС покажа дека не е повеќе политичка партија туку постепено се претвора во шоу за имитација, велат во партиското соопштение од ВМРО-ДПМНЕ.
На вчерашната прес-конференција, Каја Шукова, копираше кампањи кои се веќе видени во регионот, и за целосно да го долови штосот на СДС преку ова се обиде да ја искористи последната трагедија во земјата како повод за внимание и интерес.
Јасно е на сите дека е преземено од Србија, без никаква врска со македонската реалност, и потврда дека во СДС нема автентичност, креативност, идеја, визија, а ниту суштина.
СДС продолжува да го прави тоа што го знае најдобро, да копира и да следи туѓи формати од соседните земји.
Овој настап на Шукова е уште еден пример како старо-новото раководство на СДС создава спектакли кои никому не му будат доверба.
Од СДС повторно ја користат секоја трагедија за да соберат поени.
Темата за насилството врз жените е премногу сериозна за Каја Шукова и СДС да ја користат за вакви перформанси во пресрет на 8 март, ден кога треба да се зборува за вистинска поддршка на жените, за безбедност и еднаквост.
Жените во Македонија заслужуваат повеќе од некреативниот и ископиран ПР на СДС и копирани сценарија, и лица од партија кои се занимаваат со имитација на туѓ симболизам, се вели во соопштението на партијата.