Социјалистичката партија на Македонија го смета за апсолутно несериозно и го отфрла барањето со само педесетина собрани потписи да може да се кандидираат независните листи на следните локални избори.
СПМ смета дека воопшто не е битен посочениот, наводен европски тренд и европските стандарди со кои што наводно се отвора можноста за демократијата, а не се затвора.
Во услови кога домашните активисти се повикуваат на европската демократија, нејзините експоненти наводно избрани на овој начин, повторно газат врз Македонија и македонското достоинство и ги одбиваат македонските ставови.
Истите овие активисти кои упорно се повикуваат на владеење на правото не ги почитуваат ниту одлуките на Уставниот суд, земајќи си слобода за нивно толкување според потребите на граѓански ткн.здруженија чии последици од претходното колоритно делување сеуште се свежи кај македонската јавност, а судски сеуште несакционирани.
Социјалистичката партија на Македонија ја цени важноста на моментумот и повикува на внатрешното единство и градење кохезија околу македонските стратегиски интереси и цели која е потребно да се воспостави меѓу политичките партии, но и меѓу сите граѓани.
Оттаму овакви приземни барања за задоволување на амбициите на нереализирани личности се неприфатливи и несоодветни во овој момент.
Воедно, СПМ смета дека на Македонија и е потребна внатрешна политичка стабилност и изборни услови за реално канализирање на избирачката волја, а не деструкција и обиди за создавање хаос во изборната постапка од која македонскиот народ и граѓани ќе имаат најголема загуба. (МИА)