Брегалничката Епархија објави дека во Господа се упокои Гордана Серафимовска, мајка на Митрополитот Брегалнички г. Иларион.
-На 03 септември 2025 година, св. ап. Тадеј, св. мч-чка Васа Солунска; Неговото Високопреосвештенство Митрополитот Брегалнички господин Иларион во сослужение на свештенослужители од МПЦ-ОА, отслужи Света Архиерејска Заупокоена Литургија, за покој на душата на својата мајка Гордана Серафимовска, во храмот “Св. вмч. Георгиј” во Куманово. По Заупокоената Литургија, Надлежниот Архиереј, Митрополитот Кумановско-осоговски г. Григориј, го изврши опело над новоупокоената рабина Божја Гордана Серафимовска од Куманово. Вечнаја памјат и царство небесно да и дарува семилостивиот Бог, се наведува во објавата.