Од секторот за ресоцијализација во КПД „Идризово“ информираа дека по пауза од неколку години во установа започнува со реиздавање на осуденичкиот весник „Искра“.
-Весникот е создаден од лица кои издржуваат затворска казна, вели Александар Ковилоски, вработен во секторот за ресоцијализација во КПД „Идризово“.
Осуденичкиот весник „Искра“ е периодично списание и е изготвуван од страна на вработени во затворските установи, во соработка со лица кои издржуваат затворска казна во нашата држава. Весникот е наменет за осудените лица и веруваме дека ќе стане активен двигател на процесот на ресоцијализација.
Ковилоски смета дека интересот за весникот „Искра“ ќе биде огромен, бидејќи јавноста е секогаш заинтересирана за случувањата во затворите.
