Денес се навршува една недела од ударот со возило по кој трагично и прерано згасна животот на младата и надежна дизајнерка Фросина Кулакова. Пред сè, изразувам длабоко сочувство до нејзиното семејство и истовремено упатувам јавен апел до сите релевантни институции во државава, да ги преземат сите мерки во согласност со законот за да се задоволи правдата за Фросина. Секој одговорен на било кој начин, мора и треба да одговара, пишува претседателката на Унијата на жени на ВМРО-ДПМНЕ, Жаклина Пешевска.
-Како мајка и како човек кој изгубил прерано близок човек од семејство, за кого до ден денес правдата не е задоволена, се обраќам и до јавноста со апел да бидат повнимателни при учество во сообраќајот за никој повеќе да не ја почувствува болката на семејството на Фросина и на семејствата на сите други жртви пред неа.
Почивај во мир Фросина, додава Пешевска.