Македонскиот пејач, Спасен Силјановски на својот профил сподели едно приватно видео каде е заедно со Андрај, спомен кој сега во овие тешки денови го сподели заедно со една нивна анегдота и колку тоа Андреј не ги делел колегите на фолкери и забавњаци. Посакал дури и да ја запее „Ако утре ме нема“ која денес и тоа како боли!
-Ми се јави на телефон и ми вели: Батко Спасен чувајми масичка ќе дојдам вечер на свирка кај тебе….Јас му одговарам: Абе брат шо бараш, нема да ти се допадне. Ти си урбан лик а јас сум фолк тип. Не братко Спасен, ние сме слични, двајцата сме го поминале истиот трнлив пат до успехот. Ти од Кичево, а јас од Дебар, ние мора да се држиме и да се помагаме…Така и бидна, вечерта се појави во ресторанот, го замолив да ни испее нешто од неговиот репертоар. Без двоумење го зеде микрофонот и ги дигна сите на нозе. Е тоа беше тој Андреј. Човек во вистинска смисла на зборот. Другар, искрен, чесен, патриот, хуманитарец. Беше херој и замина како херој, пишува покрај видеото Спасен Силјановски.