Аналитичарите се погласно најавуваат сериозен дебакл на опозициската СДСМ на локалните избори. Индикативно и ново е што тоа во низа го прават и про-СДС експертите, кои не можат да замижат пред дебаклот и катастрофалниот учинок и начин на кој Филипче ја води партијата, во провалија.
Наместо да се обединуваат, соочени со надвиснатите криминали над глава и недостигот на пари и аздис на кои беа навикнати за време на седумгодишното владеење, се почесто партијата се дели, расправа и цинкари по медиумите. Очебиен доказ за кажаното е последниот „инцидент“ со Костадин Костадинов, кој во паника од изборите кои следуваат очајно му се „сипа“ на новинарот Латас, за да го извлече „подебелиот крај на стапот“ и не добие кандидатура за следниот мандат.
Вакви случаи, се очекуваат и во иднина, имајќи предвид дека до локланите има уште три месеци. Расколот е неминовен, ценат дури и аналитичарите кои до вчера беа блиски до СДС;
Случувањата во Струмица го нарушија кревкиот внатрепартиски мир во СДСМ воспоставен по големиот пораз на изборите и смената на раководството. Аналитичарите предвидуваат уште позасилено продлабочување на кризата.
„После лошите изборни резултати, нејасно е зошто е потребно да се отвора уште еден фронт и да се ситни гласачкото тело, особено во контекст на тоа што Костадинов најавува независна кандидатура што може да го подели и онака раситнетото гласачко тело на СДСМ на два табора, што е вовед во лош изборен резултат во локална средина каде СДСМ имаше некакви шанси за победа. А такви локални средини не останаа многу“, вели за ДВ д-р Ненад Марковиќ, аналитичар и професор на Институтот за политички науки и медиуми и комуникации при Правниот факултет.
Марковиќ вели дека кризата во СДСМ ќе трае, најверојатно, и по локалните избори. „Ако нема значителен напредок во бројот на освоени гласови, а мали се шансите, веројатно ќе се оди на избор на сосема ново раководство и некаков партиски ‘ресет’. Доколку тоа не се случи, кризата во СДСМ веројатно само ќе се продлабочува“, смета тој и прогнозира дека најголемиот победник од целата ситуација ќе биде ВМРО-ДПМНЕ, на кој по оваа епизода, вели, победата не му е далеку во Струмица.
и Универзитетскиот професор и долгогодишен симбол на албанската поддршка за СДСМ, Мерсел Биљали, жестоко удри по раководството на партијата, предупредувајќи на нов изборен дебакл!
Во јавна објава, Биљали напиша дека кандидатите на СДСМ личат како да ги порачал лично премиерот Мицковски, алудирајќи на целосна неспособност и политичко самоубиство на опозициската партија.
„Денот ‘Д’ ќе мора да им тропа на вратата“, вели Билали, наговестувајќи крај за СДСМ како релевантен политички субјект.
Се поставува прашањето: Kога и најлојалните се откажуваат, кој останува во бродот што тоне?“ запраша Биљали.
СДСМ има уште три месеци до избори, и ако продолжи со ова темпо да „пука по шавови“, повеќе од доволно време да се дораспадне пред локалното соочување.
После се што и сторија на Македонија и Македонците, процесот на СОЦИЈАЛНИТЕ МРЕЖИ е поздравен со едно громогласно АИРЛИЈА!