Килиан Мбапе ова лето пристигна во Реал Мадрид како слободен агент од ПСЖ.
Многумина неговото доаѓање во Мадрид го гледаат како проблематично, бидејќи се зголемува бројот на големите ѕвезди во клубот и тоа може да делува дестабилизирачки. Се верува дека поради егото на Французинот настануваат одредени проблеми, а такво прашање доби тренерот Карло Анчелоти.
„Мбапе нема воопшто нема его. Дојде во клубот и веднаш се интегрираше добро во тимот. Воспостави добри односи со новите соиграчи. Пристигна со перфектно здраво однесување и дух“, откри Анчелоти.
По доаѓањето во Мадрид, Мбапе одигра 15 натпревари и постигна осум погодоци и забележа две асистенции.