Македонската ракометна репрезентација ја доби агендата за последната проверка пред Европското првенство: од 8 до 10 јануари ќе настапи на традиционалниот „Жолтиот куп“ во Винтертур, Швајцарија, каде за три дена ќе одигра три натпревари.
Турнирот се игра во AXA Arena и е замислен како финален тест за домаќинот Швајцарија, но и за селекциите што веќе го имаат обезбедено настапот на ЕП 2026.
Македонија ќе се сретне со Бахреин, Украина и меч со Швајцарија.
Распоредот на Македонија почнува во четврток, 8 јануари, кога од 20:30 часот игра против Бахреин.
Веќе следниот ден, во петок, 9 јануари, во 17:45 часот, противник е Украина. Турнирот за „црвено-жолтите“ завршува во сабота, 10 јануари, со дуел против Швајцарија од 18:00 часот, што воедно ќе биде и последниот натпревар на целиот настан, по кој следи доделувањето на трофејот.
Европското првенство во Скандинавија стартува на 15 јануари и ќе трае до 1 февруари.