Дебигантот Гвинеја не беше достоен ривал за моќната Холандија во првиот натпревар од групата Д на Светското првенство во ракомет. Стеинс и другарите не се ни испотија против дебигантот, па вистинскиот Мундијал за „лалињата“ ќе почне в петок против нашата селекција.
„Добро е да почнете турнир со победа. Имавме многу добра енергија, цврста одбрана, контранапади и лесни голови. Верувам дека така ќе продолжиме. Имаме доволно време да ја подготивме Македонија, па потоа и Унгарија. Сепак, важно беше да се почне со два бода.
Пред две години одигравме одлично против Македонија во Полска. Веројатно тие тогаш не беа најдобри, но в петок ќе биде поразличен натпревар. Не знам колку Македонија го измени тимот од тој натпревар во Краков. Малку имавме можност да ја гледаме, но сега ќе го припремиме тој натпревар“, ни рече Лук Стеинс.
Момците на Штафан Олсон пред две години на Светското првендство во Краков извојуваа победа против нашата селекција со 34-24.