Во рамките од 19 коло од македонската ракометна Суперлига, играчите на Алкалоид во салата „Автокоманда“ ја оправдаа фаворитската улога против Пролет 62 со резултат 37:29.
Во победничките редови одличен беше Дамјан Митев со 10 гола, четири помалку запиша Филип Николов, а голманот Иван Галевски забележа 13 одбрани.
На табелата Алкалоид е на четвртото место со 31 бод, колку и третопласираниот ГРК Охрид, додека Пролет 62 е на деветтата позиција со 12 бодови.
Во другите денешни мечеви: Струга – Бутел Скопје 24:35, Еурофарм Пелистер – Еурофарм Пелистер 2 39:24, Тиквеш – Радовиш 44:23.
Табела: Вардар 1961 36 бодови, Еурофарм Пелистер 32, ГРК Охрид 31, Алкалоид 31, Тиквеш 20, Бутел Скопје 20, Еурофарм Пелистер 2 17, Прилеп 16, Пролет 62 12, Куманово 7, Струга 6, Радовиш 0.