Машкиот турнир започнува на 16 мај во 19:30 часот, со натпреварот меѓу Алкалоид и Вардар 1961, а ден подоцна во истиот термин ќе се соочат Тиквеш 2014 и Еурофарм Пелистер. Финалето во машка конкуренција е закажано за недела, 19 мај, со почеток во 19:00 часот.
ЖРК Куманово и Ѓорче Петров ќе ја стартуваат битката кај дамите со мечот на 16 мај во 17:00 часот, а во истиот термин следниот ден ќе играат ЖРК Вардар и ЖРК Чаир. Финалето во женска конкуренција ќе се одржи на 19 мај во 16:00 часот.
Во СЦ „Борис Трајковски“ во Скопје предвидени се натпревари од четврток до недела. Дневните блок влезници ќе можат да се купат на денот на одржување на натпреварите, започнувајќи од 12:00 часот, преку билетарата на МК Тикетс пред СЦ „Борис Трајковски“.
Продажната цена на блок дневните влезници е 200 денари.