Македонскиот ракометен репрезентативец Филип Кузмановски, ги најави квалификациските натпревари на македонската репрезентација против Естонија и Литванија и изјави дека очекува добри натпревари и победи во двете средби.
„Имаме прекрасна и позитивна енергија, тоа се чувствува помеѓу сите играчи. Покажавме на последните натпревари дека играме добро, а тоа беше видливо и на мечевите против Фарските Острови.
Изгледавме како вистинска репрезентација и мислам дека имаме светла иднина. Ова е нов и млад тим, но сите сме активни во клубовите и играме редовно, што секогаш е добар знак за компактноста на теренот.
Нема да потцениме никого и ќе одиме чекор по чекор, се надевам дека публиката ќе дојде во огромен број и ќе ни ја даде потребната поддршка за да започнеме со победа во овие квалификации“, изјави Кузмановски.