Е.Пелистер го претрпе осмиот пораз во десетото коло на ракометната Лига на шампиони, откако пред своите навивачи во Битола загуби од Висла Плоцк со 25:28.
По овој резултат, Пелистер остана на претпоследното место на табелата со само четири бода, додека Висла Плоцк дојде до седмата победа и се зацврсти на третото место на табелата зад непрокосновените Магдебург и Барселона.
Кај домаќините најефикасни со по четири голови беа Тајник, Пе. Атанасијевиќ и Пешевски, а Кузмановски запиша три. На спротивната страна најрасположен беше Јанц со седум голови, Фазекаш имаше шест, а Ричардсон пет.
Во следното коло Пелистер му гостува на ГОГ.