Репрезентацијата на Норвешка продолжи со серијата победи и го обезбеди првото место во групата 2 од Европското првенство.
Бранителот на титулата без проблеми ја совлада Германија со 32-27 и без оглед на исходот во последниот меч против аутсајдерот Швајцарија, ќе остане на челната позиција.
Многу поинтересно ќе биде во директната пресметка за второто место во која ќе се сретнат Данска и Германија, а победникот ќе го пополни последното место во полуфиналето. Данска денеска ја совлада Словенија со 33-26, а Холандија беше подобра од Швајцарија со 37-29.
Од групата 1 веќе се познати двата полуфиналисти, тоа се Унгарија и Франција кои утре во директниот дуел ќе одлучат кој ќе го освои првото место.
