Машката ракометната селекција на Македонија ќе мора во последните две кола да го потврди својот пласман на следното Европско првенство за ракометари
По поразот и во Копер нашата селекција остана на третата позиција на табелата во групата и во преостанатите два натпревари против Естонија и Литванија. ќе брка ново учество на континентален собир.
По комплетирањето на четвртото коло веќе се познати четири патници на турнирот кој идната година ќе се одржи во Данска, Шведска и Норвешка.
Селекциите на Словенија, Португалија Хрватска и Исланд имаат четири победи од исто толку натпревари и веќе ја добија посакуваната виза за континенталниот собир.
На собирот во јануари 2026 година ќе се пласираат сите селекции кои што ќе завршат на првата и втората позиција во групата, како и најдобрите четири од осумте третопласирани.
Последните две кола од квалификациите ќе се одиграат на седми, осми и единаесетти мај.