Црногорскиот ватерполист Алекса Укропина падна на допинг- тест, поради што долго време ќе биде надвор од базенот.
Ватерполистот беше тестиран на 21 јануари, непосредно пред заминувањето за Требиње, за да ги започне подготовките за Светското првенство, а според „Вијести“, паднал поради лек за инхалација.
Поради тоа, нема да биде со репрезентацијата на Олимписките игри во Париз годинава, бидејќи следува казна од најмалку шест месеци за ваков прекршок.